لاہور(نیوز رپورٹر) پاکستان پیپلز پارٹی کے زیر اہتمام جشن پارلیمانی بالادستی کل  چیئرنگ کراس مال روڈ پر جوش و خروش سے منایا جائیگا اس سلسلے میں تیاریاں مکمل ہیں۔ممبر پیپلز پارٹی سنٹرل ایگزیکٹو کمیٹی چودھری اسلم گل نے کہا لاہور کے چاروں ڈسٹرکٹس سے جیالوں کے قافلے حاجی عزیز الرحمن چن،آصف ناگرہ،چودھری عاطف رفیق اور امجد جٹ کی قیادت میں 3بجے چیئرنگ کراس پہنچیں گے۔جہاں جشن کی تقریب سے پیپلز پارٹی وسطی پنجاب کے صدر راجہ پرویز اشرف ،جنرل سیکرٹری سید حسن مرتضی ،انفارمیشن سیکرٹری شہزاد سعید چیمہ ،رانا جواد،چودھری اسلم گل و دیگر قائدین خطاب کرینگے۔آخر میں آتشبازی کی جائیگی۔