لاہور(نیوز رپورٹر) پارکس اینڈ ہارٹی کلچر اتھارٹی لاہور نے ترکیہ کے قومی دن کے حوالے سے مینار پاکستان کو ترکیہ کے قومی پرچم سے روشن کر دیا۔ اہالیان لاہور کی بڑی تعداد ترک پرچم میں لپٹے مینار پاکستان کو دیکھنے گریٹر اقبال پارک جا پہنچی۔ ترکیہ کے عوام نے گزشتہ روز 101 واں ریپبلک ڈے منایا۔ اس موقع پر ڈائریکٹر جنرل محمد طاہر وٹو نے ترکیہ کی عوام اور حکومت کو مبارکباد دی۔ انہوں نے کہا پاکستان اور ترکیہ مذہب اور ثقافت کے مضبوط رشتے میں بندھے ہوئے ہیں۔