لاہور‘فیروزوالہ ‘الہ آباد‘ٹھینگ موڑ(نامہ نگار)شہر کے مختلف علاقوں میں ڈاکوؤں اور چوروں نے ڈکیتی وچوری کی متعدد وارداتوں میں شہریوں سے لاکھوں روپے‘ زیورات‘ موبائل فون‘ موٹرسائیکلیں‘گاڑیاں اور دیگر سامان لوٹ لیا ۔ڈاکوؤں نے ماڈل ٹاؤن میں امجد کے گھر میں گھس کر اہلخانہ کو گن پوائنٹ پر یرغمال بنا کر6لاکھ 12ہزار روپے ‘ زیورات اور موبائل فون،ساندہ سے 5 لاکھ 33 ہزار ‘زیوارات ‘ موبائل فون،ریس کورس میں سرفراز سے ڈھائی لاکھ ‘ موبائل فون،شیرا کوٹ میں ارشد سے ایک لاکھ60 ہزار ‘سندر میں زاہد سے ایک لاکھ ‘ موبائل فون،گڑھی شاہو میں علی سے 77 ہزا ر‘ موبائل فون،سبزہ زارمیں ساجد سے 45ہزار‘ موبائل فون،کاہنہ میں شہیر سے 65ہزار ‘ موبائل فون،مزنگ میں لقمان سے 9 ہزار ‘ موبائل فون لوٹ لیا۔چوروں نے گلبرگ‘ڈیفنس اور جوہر ٹاؤن سے 3کاریں جبکہ لاری اڈہ، قلعہ گجر سنگھ، سندر،ہنجروال،لٹن روڈ، شیراکوٹ،ٹاؤن شپ،رائے ونڈ، مصری شاہ سے 11موٹر سائیکلیں چوری کرلی ۔فیروزوالہ‘الہ آباد‘ٹھینگ موڑدو ڈاکو پولیس مقابلے میں ہلاک ہوگئے ۔تھانہ فیروزوالا رانا ٹاؤن روڈ پر مبینہ پولیس مقابلہ کے دوران پولیس کی زیر حراست دہشت کی علامت اور پولیس ملازم کو شہید کرنیوالا زیرحراست ڈاکو اپنے ساتھیوں کی فائرنگ سے ہلاک ہو گیا۔الہ آباد‘ٹھینگ موڑ ‘کنگن پور کے علاقے میں بھی پولیس مقابلے میں ایک ڈاکو اپنے ہی ساتھیوں کی فائرنگ سے ہلاک ہوگیا۔ ہلاک ڈاکو کی شناخت غفور ولد ہدایت اوڑھ سکنہ اوکاڑہ کے نام سے ہوئی۔