لاہور( لیڈی رپورٹر ) پنجاب حکومت نے صوبے کی 6 یونیورسٹیوں کے وائس چانسلرز کے تقرر کا نوٹیفکیشن جاری کر دیا۔ محکمہ ہائر ایجوکیشن کی طرف سے جاری نوٹیفکیشن کے مطابق پروفیسر ڈاکٹر عظمیٰ قریشی کو وائس چانسلر لاہور کالج ویمن یونیورسٹی ،پروفیسر ڈاکٹر بشریٰ مرزا کو وائس چانسلر فاطمہ جناح ویمن یونیورسٹی راولپنڈی، پروفیسر ڈاکٹر کنول امین وائس چانسلر گورنمنٹ کالج ویمن یونیورسٹی فیصل آباد، پروفیسر ڈاکٹر شازیہ بشیر کو وائس چانسلر کالج ویمن یونیورسٹی سیالکوٹ، پروفیسر ڈاکٹر رئوف اعظم کو وائس چانسلر گورنمنٹ کالج یونیورسٹی فیصل آباد جبکہ پروفیسر ڈاکٹر شازیہ انجم کو وائس چانسلر گورنمنٹ صادق کالج وومن یونیورسٹی بہاولپور تعینات کردیا گیا ہے۔