موڑکھنڈا (نامہ نگار)موڑکھنڈا میں ٹریفک جام کا مسئلہ سنگین شکل اختیار کر چکا ہے جہاں دھان سے لدے ٹرک اور ٹرالیاں ٹریفک قوانین کی خلاف ورزی کرتے ہوئے گھنٹوں روڈ بلاک کر دیتے ہیں جس سے روزانہ کی بنیاد پر بدترین ٹریفک جام معمول بن گیا ہے۔ شہریوں کو شدید مشکلات کا سامنا ہے۔ غلہ منڈی شہر کے عین وسط میں وقوع ہونے کے باعث منڈی کا رخ کرنے والی گاڑیاں سڑکوں پر رکاوٹ کا سبب بن رہی ہیں اور اس دوران ٹریفک اور پٹرولنگ پولیس کا عملہ غائب دکھائی دیتا ہے۔ شہریوں نے متعلقہ حکام سے مطالبہ کیا ہے کہ ٹریفک نظام کو بہتر بنانے کے لیے فوری اقدامات کیے جائیں ۔