گوجرانوالہ(نمائندہ خصوصی)مرکزی ادارہ فیضان ابوالبیان کے زیراہتمام19ویں سالانہ عظیم الشان تاجدار ختم نبوت کا نفر نس مرکزی جامع مسجد فاروق اعظم میں منعقد ہوئی، کراچی سے آئے ہوئے ممتازعالم دین علامہ پیر سید مظفر حسین شاہ قادری نے کانفرنس سے خطاب کرتے ہوئے کہا کہ تحفظ ختم نبوت، تحفظ ناموس رسالت اور دین اسلام کی سربلندی اور ملت اسلامیہ کی بقاء کیلئے دنیا بھر کے مسلمانوں کو متحد ہو کر ختم نبوت کے منکرین کی ناپاک سازشوں، دین اسلام اور امت مسلمہ کے دشمنوں کی سفاکانہ سرگرمیوں کو روکنے کیلئے میدان عمل میں نکلنا ہوگا۔