کلر سیداں ، ڈاکوؤں نے  ایک اور سیلز مین کو لوٹ لیا

کلر سیداں (نامہ نگار) کلر سیداں میں موٹرسائیکل سوار ڈاکووں کا سیلزمینوں کو لوٹنے کا سلسلہ جاری، ڈاکوؤں نے ایک اور سیلز مین کو لوٹ لیا، ڈاکوؤں کے ہاتھوں سیلز مین کے لٹنے کی یہ تیسری واردات ہے۔سجاد احمد نے مقدمہ درج کروایا کہ وہ بیکریوں میں سپلائی کا کام کرتا ہے۔گزشتہ روز کلر سیداں روڈ پر سپلائی کا کام ختم کر کے اپنے ساتھی فہیم کے ہمراہ سوزوکی گاڑی میں واپس جا رہا تھا کہ منگال موڑ کے قریب ایک موٹر سائیکل پر سوار دو مسلح ملزمان نے ہماری گاڑی کو روک لیا اور گاڑی کے ڈیش بورڈ پر پڑے شاپر جس میں ایک لاکھ 47ہزار سے زائد کی رقم پڑی ہوئی تھی کو چھین کر فرار ہو گئے۔