راولپنڈی(اپنے سٹاف رپورٹر سے)سٹی ٹریفک پولیس راولپنڈی نے گزشتہ روز خصوصی مہم کے دوران مختلف ٹریفک قوانین کی خلاف ورزیوں پر کاروائیاں کرتے ہوئے 2894 چالان ٹکٹ جاری کردیئے سی ٹی او بینش فاطمہ نے بتایا کہ سٹی ٹریفک پولیس نے گزشتہ  روز 595 شہریوں کو ڈرائیونگ لائسنس اور اس سے متعلقہ سہولیات دیں 93 چالان ٹریفک سگنل کی خلاف ورزی کرنے پر جاری کیے گئے25 چالان ٹکٹ ون وے کی خلاف ورزی پر جاری کیے گئے 153 چالان ٹکٹ لائن اور لین کی پابندی نہ کرنے والوں کے خلاف بھی جاری کیے گئے۔595 چالان ٹکٹ  بغیر لائسنس ڈرائیونگ کرنے والوں کو جاری کیے گئے ، سٹی ٹریفک پولیس راولپنڈی نے دھواں چھوڑنے والی گاڑیوں کیخلاف بھی کریک ڈائون کیا ۔ گزشتہ روز  295چالان ٹکٹ  دھواں چھوڑنے والی گاڑیوں کو بھی جاری کیے گئے ، نوعمر ڈرائیورز کو گزشتہ روز  85 چالان ٹکٹ جاری کیے گئے ۔  ان کا مزید کہنا تھا کہ سٹی ٹریفک پولیس راولپنڈی نے بغیر فٹنس سرٹیفکیٹ  گاڑیاں چلانے والوں کو 88 چالان ٹکٹ جاری کیے ،بغیر روٹ پرمٹ گاڑیاں چلانے والوں کو 92 چالان ٹکٹ جاری کیے گئے ، سٹی ٹریفک پولیس کا بغیر ہیلمٹ موٹر سائیکل سواروں کیخلاف بھی بھرپور کریک ڈائون جاری  ہے ،گزشتہ روز بغیر ہیلمٹ موٹر سائیکل سواروں کو 216 چالان ٹکٹ جاری کیے گئے ۔