اسلام آباد ماڈل کالج فار گرلز ایف الیون تھری میں کہانی سنانے کی تقریب

اسلام آباد(خبرنگار)نیشنل بک فائونڈیشن کے زیر اہتمام اسلام آباد ماڈل کالجفار گرلز ایف الیون تھری میں کہانی سنانے کی تقریب منعقد کی گئی کہانی سنانے کی تقریب کا سلسلہ وفاقی وزارتِ تعلیم و پیشہ وارانہ تربیت کی ہدایت پر نیشنل بک فائونڈیشن کی طرف سے ملک بھر کے تعلیمی اداروں میں منعقد کیا جا رہا ہے ۔ ان تقریبات کا مقصد بچوں کو کہانی سنانے کی روایت پر عمل کرتے ہوئے بچوں کی رہنمائی کرنے ، بچوں میں کتاب پڑھنے اور کہانی سننے کے رجحان کو آگے بڑھانا ہے تقریب میں مشہور شخصیات کو کہانیاں سنانے کے لئے مدعو کیا جاتا ہے جو اس تقریب میں پاکستان کی مشہور اداکارہ اور اعلی ادبی ذوق کی مالک شخصیت لیلیٰ زبیری نے بچوں کو کہانی سنائی۔