ہالینڈ کے شہر یوٹریچٹ کے گیلگین وارڈ سٹیڈیم میں کھیلے جانے والے یوروپا لیگ کے اہم میچ میں لیورپول کپتان سٹیفن جیرارڈ کے بغیر میدان میں اترے گی۔ سٹار مڈفیلڈر کی غیرموجودگی میں لیورپول کی ٹیم سٹرائیکر فرنینڈو ٹوریس اور مڈفیلڈرز جو کول اور ڈرک کائٹ پر انحصار کرے گی۔ پانچ بار یوئیفا چیمپئنز لیگ کا ٹائٹل جیتنے والی لیورپول نے اپنے پہلے میچ میں رومانیہ کی کلب سٹیوا بخارسٹ کو تین گولز سے شکست دی تھی۔ یوروپا لیگ میں کھیلے جانے والے دوسرے اہم میچ میں مانچسٹر سٹی کی ٹیم ایسٹ لینڈز سٹیڈیم میں اطالوی کلب یوونٹس کے مدمقابل ہو گی