مائیک مولن کا چالیس سالہ فوجی کیرئیر آج اختتام پذیرہوررہا ہے، بحیثیت چیئرمین جائنٹ چیفس آف سٹاف وہ ریاست ورجینیا میں ایک تقریب کے دوران ذمہ داریوں سے سبکدوش ہوجائیں گے۔ ایڈمرل مائیک مولن کے بعد جنرل مارٹن ڈمپسی امریکی فوج کی کمان سنبھالیں گے جن کی نامزدگی رواں سال مئی میں صدر باراک اوباما نے کی تھی۔ جنرل مارٹن ڈمپسی چیف آف آرمی سٹاف جنرل اشفاق پرویز کیانی کے کلاس فیلوبھی رہ چکے ہیں۔