اسلام آباد (سپیشل رپورٹ) صدر آصف علی زرداری نے بھی اس سال جولائی میں روس کا مجوزہ دورہ م¶خر کر دیا تھا۔ ایوان صدر کے ترجمان فرحت اﷲ بابر نے نوائے وقت سے بات چیت کرتے ہوئے کہا جولائی میں وزیراعظم گیلانی کی سپریم کورٹ کے فیصلے کے نتیجے میں نااہلی سے پیدا ہونے والی صورتحال کے باعث صدر زرداری روس کا دورہ نہیں کر سکے تھے۔ صدر پیوٹن بھی اپنی مصروفیات کے باعث پاکستان کا دورہ نہیں کر سکے لیکن صدر پیوٹن کے نئے دورے کی نئی تاریخوں کا تعین کیا جا رہا ہے۔