ٹی ٹونٹی چیمپیئنز لیگ: راجستھان رائلز سیمی فائنل میں پہنچ گئی، اوٹاگو سپر اوور میں کامیاب

جے پور (سپورٹس ڈیسک) ٹی ٹونٹی چیمپیئنز لیگ میں اوٹاگو نے لائنز کو سپر اوور میں شکست دے دی۔ لائنز نے ڈی کاک کے 109 رنز کی بدولت 4 وکٹوں پر 167 رنز بنائے۔ اوٹاگو بھی 7 وکٹوں پر 167 رنز بنا سکی۔ سپر اوور میں اوٹاگو نے بغیر کسی نقصان کے 13 رنز بنائے۔ لائنز نے 13 رنز پر 2 وکٹیں گنوا دیں۔ راجستھان رائلز نے پرتھ سکارچرز کو 9 وکٹوں سے ہرا کر سیمی فائنل میں جگہ بنا لی۔ پرتھ سکارچرز نے 120 رنز بنائے۔ راجستھان رائلز نے ہدف ایک وکٹ پر پورا کر لیا۔