لاہور(سپورٹس رپورٹر) سینئر انٹر ڈسٹرکٹ کرکٹ ٹورنامنٹ شیخوپورہ نے جیت لیا۔ پاکستان کرکٹ بورڈ کے زیر اہتمام انٹرڈسٹرکٹ شیخوپورہ کرکٹ ٹورنامنٹ میں گوجرانوالہ، سیالکوٹ، گجرات، ناروال، منڈی بہاوالدین، حافظ آباد اور شیخوپورہ کی ٹیموں نے حصہ لیا۔ اس ٹورنامنٹ میں شیخوپورہ ٹیم کی قیادت کے فرائض فیصل رشید انجام دے رہے تھے جبکہ دیگر کھلاڑیوں میں سلمان علی، ثقلین ارشد، ندیم شہبازاور کاشف محمود نے اعلٰی کارکردگی کا مظاہرہ کیا۔