اپالو سپورٹس نے فیض باغ جمخانہ کو 5 وکٹوں سے ہرا دیا

لاہور(نمائندہ سپورٹس) اپالو سپورٹس اور فیض باغ جمخانہ کے درمیان ریلوے علامہ اقبال انسٹیٹیوٹ گرائونڈ پر میچ کھیلا گیا۔ اپالو سپورٹس نے فیض باغ جمخانہ کو 5 وکٹوں سے ہرادیا۔ فیض باغ جمخانہ نے پہلے بیٹنگ کرتے ہوئے مقررہ 35 اوورز میں 9 کھلاڑیوں کے نقصان پر 173 رنز بنائے۔ حق نواز نے 51، شہباز 25، عدنان 24 اور عبداللہ نے 22 رنز بنائے۔ اپالو سپورٹس کی طرف سے شاندار بائولنگ کا مظاہرہ کرتے ہوئے بلال اسلم نے 3/25، وسیم راجا 3/24 اور علی رضا نے 3/25 وکٹ حاصل کیں۔ جواب میں اپالو سپورٹس نے 28.1 اوورز میں 5 کھلاڑیوں کے نقصان پر ہدف پورا کرلیا۔ محمد بلال ارشاد 75، اویس طارق35 رنز بنا کر ناٹ آئوٹ رہے جبکہ سہیل حبیب نے 30رنز بنائے ۔ فیض باغ جمخانہ کی طرف سے بائولنگ کرتے ہوئے علی ملک نے 3/29، جہانگیر 1/28 اور وسیم ملک نے 1/35 وکٹ حاصل کیں۔ میچ کے اختتام پر کرکٹ پروموٹر حاجی میاں محمد الیاس مغل نے محمد بلال ارشاد کو مین آف دی میچ کا انعام دیا۔