ڈیوٹیز اور ٹیکسوں کی وصولی کیلئے نیشنل بنک کی مجاز برانچیں آج رات آٹھ بجے تک کھلی رہیں گی

اسلام آباد (این این آئی)ڈیوٹیز اور ٹیکسوں کی وصولی کیلئے نیشنل بنک آف پاکستان کی تمام مجاز برانچیں (آج) بدھ کو رات 8 بجے تک کھلی رہیں گی۔ ایف بی آر حکام کے مطابق ان برانچز سے ٹیکس وصولیوں کی منتقلی کو یقینی بنانے کے لئے چیف کمشنرز اپنی اپنی حدود میں سٹیٹ بنک آف پاکستان اور نیشنل بنک کے ساتھ رابطہ قائم رکھیں گے۔