لاہور(سپورٹس رپورٹر) ویسٹ انڈیز کے خلاف تین ٹیسٹ میچوں کے لئے قومی ٹیم کا انتخاب اگلے ہفتے کے اختتام تک مکمل کر لیا جائے گا۔ پاکستان اور ویسٹ انڈیز کے درمیان تین ٹیسٹ میچوں کی سیریز کے لئے چیف سلیکٹر انضمام الحق اور قومی ٹیسٹ کپتان مصباح الحق نے مشاورت کا آغاز کر دیا ہے۔ دونوں افراد کے درمیان گذشتہ روز نیشنل کرکٹ اکیڈمی میں دیر تک مشاورت کا عمل جاری رہا۔ ٹیسٹ سیریز میں کامیابی کیلئے مختلف کھلاڑیوں کے ناموں پر غور کیا گیا۔