چکوال(نامہ نگار)سیکٹر کمانڈر اور ایس ایس پی موٹروے شہریار سکندر نے کہا ہے کہ موٹروے پولیس عوام الناس کی خدمت اور رہنمائی میں فخر محسوس کرتی ہے انہوںنے کہا کہ آئندہ ایک ہفتے کے بعد موٹروے پولیس انٹرنیشنل ڈرائیونگ لائسنس کے اجراءکا آغاز کریگی جس سے ادارے کے تربیت یافتہ ڈرائیور حضرات کو نہ صرف ملکی بلکہ بیرون ملک بھی نوکری کی سہولیات بآسانی میسر آسکیں گی، ان خیالات کااظہار میونسپل سٹیڈیم چکوال میں موٹروے پولیس کے زیر اہتمام پاس آﺅٹ ہونے والے ڈرائیور حضرات کی تقریب تقسیم سرٹیفکیٹ سے خطاب کرتے ہوئے کیا، تقریب میں موٹروے پولیس کے افسران عمران قریشی، عرفان اکبر، اخلاق احمد، کے علاوہ عمائدین شہر اور تربیت یافتہ ڈرائیور حضرات بھی شامل تھے ۔