رسالپور(صباح نیوز)ائر چیف مارشل سہیل امان نے کہا ہے کہ پاک فضائیہ ہرقسم کے چیلنجزسے نمٹنے کی بھر پور صلاحیت رکھتی ہے،پاکستان امن پسند ملک ہے اور خطے میں امن کے لئے کردار ادا کرتا رہے گا۔پی اے ایف اصغر خان اکیڈمی میں 119ویں کمبیٹ کی پاسنگ آ¶ٹ پریڈ سے خطاب کرتے ہوئے ائر چیف مارشل نے کہا پاکستان امن پسند ملک ہے۔ پاک فضائیہ قیام امن کےلئے اہم کردار ادا کر رہی ہے اور خطے میں امن کے لئے کردار ادا کرتی رہے گی۔دہشت گردی کی جنگ میں پاک فضائیہ نے قربانیاں دیں۔ سہیل امان نے کہا وہ کویتی کیڈٹس کی کارکردگی سے متاثر ہوئے ہیں۔ تربیت سے کیڈٹس کی پیشہ ورانہ صلاحیتوں میں اضافہ ہوگا۔ دونوں ممالک کی فضائیہ میں تعاون وسیع ہورہاہے، پاکستانی اور کویت فضائیہ کے تعلقات مزید فروغ پائیں گے۔اس موقع پر تقریب کے مہمان خصوصی کمانڈر کویتی فضائیہ میجر جنرل عبداللہ یعقوب جاسم الفاوداری نے کہا کہ پاکستان اور کویت کے عوام مذہبی اور ثقافتی اقدار کے مضبوط رشتے سے جڑے ہیں۔ پاکستان اور کویتی فضائیہ پیشہ ورانہ امور میں دو طرفہ تعاون کو فروغ دے رہی ہیں۔ دونوں برادر اسلامی ممالک کی فضائی افواج میں وسیع تعاون موجودہے۔کمانڈر کویت فضائیہ نے کہا تقریب میں شرکت سے خوشی محسوس ہورہی ہے۔ کامیاب تربیت پر تمام کیڈٹس کو مبارکباد دیتاہوں۔کویتی فضائیہ کے 12 کیڈٹ بھی شریک تھے جن کو بھی فلائنگ بیجز لگائے گئے۔
سہیل امان