کلدیپ نائر

زیادہ دن نہیں گزرے کہ ایک پرانے سیالکوٹی اور راوین کلدیپ نائر 95 برس کی عمر میں سورگباش ہو گئے روزنامہ انڈین ایکسپریس کے ساتھ منسلک ، کلدیپ کے کالم پاکستان سمیت دنیا بھر کے اخباروں میں چھپتے رہے، موصوف سے راقم تین بار ملا۔ مگر 1993ء میں واہگہ بارڈر پر ہونے والی ملاقات کو یاد گار کہا جا سکتا ہے۔ 14 اور 15 اگست کی درمیانی شب موصوف متعدد بھارتی ادیبوں، شاعروں اور فنکاروں کے ہمراہ بارڈر لائن تک آئے۔ اسی قسم کا ایک وفد پاکستان سے بھی پہنچا تھا۔ اس موقع پر ہیرالڈ کے نمائندے سے کلدیپ نے کہا تھا کہ مجھے یقین ہے کہ محبت کی جیت ہو گی اور نفرت نامراد۔ سائوتھ ایشیاء کو میں یورپی یونین کی طرح امن کے گہوارے کے طور پر دیکھ رہا ہوں۔