سردار گروپ نے ڈیم فنڈ میں مزید 3 کروڑ روپے کاعطیہ دیدیا

اسلام آباد(نمائندہ خصوصی) سردار گروپ نے ڈیم فنڈ میں مزید 3 کروڑ روپے کاعطیہ دیا ہے،اس سے قبل دو کروڑ روپے جمع کرائے جا چکے ہیں، سردار گروپ آف کمپنیز کے چیف ایگزیکٹیو سردار تنویر الیاس خان کی سرگردگی میں ڈیم فنڈ میں تمام گروپ نے اپنا اپنا حصہ ڈالا جس میں تاج ریزی ڈینشیا نے 10 ملین، تاج ریزی ڈینشا کے ایسوسی ایٹس ڈیلرزنے 2.1ملین ، سینٹورس مال کے مختلف برینڈ ریٹیلز نے 7ملین، آرومہ مارکیٹنگ نے 0.5ملین جمع کرانے کا اعلان کیا۔ سینٹورس کے ملازمین نے اپنی دو دن کی تنخواہ جو کہ 1.5ملین بنتی ہے، ڈیم فنڈ میں جمع کروانے کا اعلان کیا ہے۔ سردار گروپ آف کمپنی اس سے پہلے بھی دیامیربھاشا اور مہمند ڈیم فنڈ میں20ملین دے چکی ہے۔سردار گروپ آف کمپنیز نے اس مہم کو مستقل بنیاد وں پر جاری رکھنے کاعندیہ دیا ہے۔