پاک بحریہ کے لیے تیار کئے جانے والے جدیدترین اور تباہ کن مِلجَم کلاس جنگی جہاز کی سٹیل کٹنگ کی تقریب منقعد کی گئی۔
تقریب کا انعقاد ترکی کے شہر استنبول کے نیول شپ یارڈ میں ہوا۔ ترجمان پاک بحریہ کے مطابق ترکی کے صدر طیب اردگان اورچیف آف دی نیول اسٹاف ایڈمرل ظفر محمود عباسی نے مشترکہ طور پر سٹیل کٹنگ کی ۔
پاک بحریہ کے لیے تیار کیا جانے والا یہ جہاز جدید ترین تباہ کن ہتھیاروں اور ٹیکنالوجی سے لیس ہے۔
ایڈمرل ظفر محمود عباسی نے بتایا کہ ان جہازوں کی پاک بحریہ میں شمولیت سے پاک بحریہ کی جنگی صلاحیتوں اور خطے میں امن و استحکام کےقیام کی استعداد میں اضافہ ہوگا۔
چیف آف دی نیول اسٹاف کے مطابق سٹیل کٹنگ کی تقریب پاک ترک دوستی کا تابندہ باب ہے اور دونوں ملکوں کے درمیان دیرنہ دوستی کی بہترین مثال ہے۔
ترجمان پاک بحریہ کے مطابق امیر البحر نے ترکی کی وزارتِ قومی دفاع اور ترکی کا اہم عہدیدارن سے ملاقاتیں بھی کی-
نیول چیف نے ترک بحریہ کا اس اہم پراجیکٹ میں تعاون پر شکریہ ادا کیا ۔ترک صدر نے پاکستان اور ترکی کے برادران تعلقات کو مثالی قرار دیا ۔
ترجمان پاک بحریہ کے مطا بق سٹیل کٹنگ کی تقریب کے بعد ترکش نیول فلیٹ میں چوتھے مِلجَم کلاس جنگی جہاز کی شمولیت کی تقریب کا انعقاد بھی کیا گیا -