فیروز والہ : دیرینہ دشمنی‘جائیداد تنازعہ ‘زمیندار سمیت 2افراد قتل  

فیروز والہ (نامہ نگار)دیرینہ دشمنی پر فائرنگ کر کے مخالف زمیندار‘جائیداد تنازعہ پر بہنوئی کو قتل کر دیا ۔ نگل ساہداں کے رہائشی محمد نعیم  بھتیجے کے ہمراہ مویشیوں کیلئے چارہ لینے جا رہا تھا کہ موٹر سائیکل سوار مفرور اشتہاری ملزمان احد قیوم عرف کوڈو ، فہد قیوم نے  ساتھیوں کی مدد سے فائرنگ کر کے زمیندار محمد نعیم کو ہلاک کر دیا  اور فرار ہو گئے۔ صدر مریدکے پولیس نے لاش  پوسٹ مارٹم کیلئے ہسپتال بھجوا دی  اور احد قیوم ، فہد قیوم اور ساتھی محمدعامر کیخلاف مقدمہ درج کر لیا ۔علاوازیں جائیداد کے تنازعہ پر اعجاز اور اشفاق وغیرہ نے فائرنگ کر کے اپنے بہنوئی وریام کو ہلاک کر دیا ملزمان فرار ہو گئے۔ دونوں فریقین کے درمیان وراثت کی جائیداد کا تنازعہ چل رہا تھا۔