چیف آف نیول اسٹاف ایڈمرل ظفر محمود عباسی کا جی ایچ کیو کا الوداعی دورہ, آرمی چیف جنرل قمر جاوید باجوہ سے  الوداعی ملاقات, آرمی چیف نے نیول چیف کی شاندار خدمات کو سراہا

چیف آف نیول اسٹاف ایڈمرل ظفر محمود عباسی نے جی ایچ کیو کا الوداعی دورہ کیا اورآرمی چیف جنرل قمر جاوید باجوہ سے الوداعی ملاقات کی، آرمی چیف نے ملک و قوم کے لیے ایڈمرل محمود عباسی کی خدمات پر ان کا شکریہ ادا کیا۔پاک فوج کے شعبہ تعلقات عامہ (آئی ایس پی آر)کے مطابق آرمی چیف جنرل قمر جاوید باجوہ سے نیول چیف ایڈمرل محمود عباسی نے الوداعی ملاقات کی۔جی ایچ کیو میں ہونے والی ملاقات میں آرمی چیف نے طویل اور درخشاں کیریئر کے دوران ملک و قوم کے لیے ایڈمرل محمود عباسی کی خدمات کو سراہا ۔ جی ایچ کیو میں یاد گار شہدا آمد پر نیول چیف کو گارڈ آف آنر پیش کیا گیا.