صادق آباد(نمائندہ نوائے وقت)چیمبر آف کامرس ایوان صنعت و تجارت ملکی معاشی ترقی کا سب سے بڑا مضبوط و مستحکم ادارہ ہے۔ بزنس کمیونٹی نے ہمیشہ ملکی معاشی ترقی میں اپنا اہم کردارادا کیا اور آئندہ بھی کرتی رہے گی ان خیالات کااظہار انجمن آڑھتیاں غلہ منڈی کے صدرچوہدری خلیل احمد‘ صدر انجمن کریانہ ایسوسی ایشن میاں جاوید‘ صدرمرکزی  آٹو یونین محمود احمد چوہدری ‘ سابق صدر کریا نہ ایسوسی ایشن میاں مسعود احمد‘ صدر الیکٹرونکس ایسوسی ایشن  چوہدری اختر الیاس نے نومنتخب ممبر فلور ملزایسوسی ایشن سندھ میاں انعام باری کو مبار کباد دینے کے دوران کیا۔ انہوں نے کہاکہ سندھ فلو ر ملز ایسوسی ایشن کا ممبر نامزد ہونا میاں انعام باری کی اعلی صلاحیتوںکا منہ بولتا ثبوت ہے۔ دریں اثنا تمام تاجر برادری نے میاں انعام باری کو پھولوں کے گلدستے پیش کئے ۔