منال اور احسن ہنی مون پر مالدیپ پہنچ گئے‘ سیر سپاٹوں کی تصاویر و ویڈیوز وائرل

 شوبز انڈسٹری کی نئی نویلی جوڑی اداکارہ منال خان اور احسن محسن اکرام کی جوڑی مالدیپ میں سیر سپاٹوں میں مصروف ہے۔ منال اور احسن مالدیپ کے خوشگوار نظاروں سے لطف اندوز ہوتے اپنی سیلفیز بھی شیئر کررہے ہیں۔ دونوں ہنی مون کے لیے پاکستان سے روانہ ہوئے تھے لیکن تب انہوں نے اپنی منزل سے مداحوں کو آگاہ نہیں کیا تھا تاہم گزشتہ روز انہوں نے یہ راز فاش کیا کہ وہ ہنی مون منانے مالدیپ پہنچے ہیں۔ احسن اور منال مالدیپ کے معروف سیاحتی مقامات کی سیر میں مصروف ہیں اور مداحوں کو بھی انسٹاگرام اسٹوریز اور پوسٹس کے ذریعے اپنی خوشیوں میں شریک کر رہے ہیں۔