اداکار ہمایوں سعید اور فرحان سعید نے پاکستان کرکٹ ٹیم کے سابق کپتان انضمام الحق کی جلد صحت یابی کے لیے دعا کی ہے۔ جہاں چند روز قبل دل کے عارضے میں مبتلا ہونے والے انضمام الحق کے لیے نیک تمناﺅں کا اظہار اور دعائیں کی جارہی ہیں، وہیں پاکستانی شوبز اسٹارز بھی ان کی جلد صحت یابی کے لیے دعا کر رہے ہیں۔ ان میں اداکار ہمایوں سعید اور فرحان سعید نے بھی انضمام الحق کے لیے پیغامات جاری کیے۔ ہمایوں سعید نے لکھا کہ اپنے لیجنڈ انضمام الحق کی جلد صحت یابی کے لیے دعا گو ہوں، اللہ آپ کو بہترین صحت عطا فرمائے۔ فرحان سعید نے لکھا کہ وہ بھی انضمام الحق کی جلد صحت یابی کے لیے دعاگو ہیں۔