وزیراعلیٰ پنجاب سردار عثمان بزدار نے عوامی جمہوریہ چین کے قومی دن پر خصوصی پیغام میں کہا ہے کہ چین کے قومی دن پر چینی حکومت ،قیادت اور عوام کو دلی مبارکبادپیش کرتے ہیں ـوزیر اعلی عثمان بزدار نے کہا کہ پاک چین دوستی عالمی برادری میں مثال بن چکی ہے ـ پاک چین دوستی ناقابل تسخیر ہے ، دونوں ممالک کے عوام بھی ایک دوسرے سے لگاؤ رکھتے ہیںـوزیر اعلی عثمان بزدار نے کہا کہ چین پاکستان کا دنیا بھر میں قابل اعتماد دوست ہے ـ چین نے مختصر وقت میں غربت اور بیروزگاری پر قابو پا کر اقتصادی استحکام حاصل کیا ـچین کی تیز رفتار معاشی ترقی پسماندہ اور غریب ممالک کے لئے رول ماڈل ہےـوزیر اعلی عثمان بزدار نے کہا کہ '' گراں خواب چینی سنبھلنے لگے'' علامہ اقبال نے چین کی ترقی کی سوسال قبل پیشن گوئی کر دی تھیـ چین کی مستقبل بین قیادت نے اپنی قوم کواقتصادی خود محتاری کی راہ پر گامزن کر دیاـ وزیر اعلی عثمان بزدار نے کہا کہ پنجاب میں سی پیک کے منصوبے چین کی لازوال دوستی کا بے مثال نمونہ ہیں ـ