جدہ (امیر محمد خان سے )سعودی سپورٹس کا مشعل مختلف شہروں سے ہوتا ہوا جدہ پہنچ گئی‘گورنر مکہ مکرمہ شہزادہ خالد الفیصل کی نیابت کرتے ہوئے جدہ کے کمشنر شہزادہ سعود بن عبد اللہ بن جلوی نے مشعل وصول کیا،سعودی عرب میں 27 اکتوبر سے 7 نومبر تک سب سے بڑا سپورٹس ایونٹ ہوگا جس میں مختلف کھیلوں کا اہتمام کیا گیا ہے۔ مشعل ریلی کی شکل میں شہر کے نمایاں مقامات سے ہوتا ہوا گورنریٹ پہنچا ہے۔سابق سعودی کھلاڑیوں اور نمایاں شخصیات نے باری باری اٹھایا اور جدہ کے تاریخی علاقے سے کورنیش تک اور وہاں سے جوہرہ سٹیڈیم تک لے گئے۔مشعل کی اگلی منزل طائف ہے جہاں سے اسے جازان، پھر باحہ اور العلا لے جایا جائےگا۔