چورڈاکو بے قابو لاکھوں کی نقدی سامان پرایا 2بھائیوں پر فائرنگ

خانیوال‘ جہانیاں‘ دوکوٹہ‘ ماہڑہ‘ کوٹ ادو (نمائندہ خصوصی‘ نامہ نگار‘ خبر نگار) میاں چنوں سرکل۔تھانہ صدرکی حدود میں کنٹرول شیڈ میں ڈکیتی کی واردات 8 ڈاکو 8 لاکھ روپے لوٹ  لے گئے۔ خانیوال کے نواحی علاقہ عثمان معظم روڈ پر دونامعلوم ڈاکوؤں نے شہری مظہر سے 23ہزارروپے نقدی اور موبائل فون چھین کر فرار ہوگئے۔ پل 135 دس آر کے قریب محسن منور  سے نامعلوم موٹر سائیکل سوار مسلح 3 ڈاکو گن پوائنٹ پر مؤٹر سائیکل، نقدی اور قیمتی موبائل فون لوٹ کر فرار ہوگئے، پولیس نے مقدمہ درج کر لیا گیا۔ دو کوٹہ کے نواحی چک نمبر 143 ڈبلیو بی میں نامعلوم  چور محمد عمران ‘محمد نذیر غلام رسول صوفی محمد افضل عبدالوہاب‘ محمد فاروق‘ عابد حسین وغیرہ کے گھروں سے  12 بکرے چرا کر لے گئے۔ علاقہ میں خوف و ہراس پایا جاتا ہے اہل علاقہ نے ڈی پی او وہاڑی سے پولیس گشت بہتر بنانے کا مطالبہ کیا ہے۔تھانہ روہیلانوالی میں تعینات پولیس کانسٹیبل سے ڈاکوؤں نے موٹرسائیکل چھین لیا۔ تھانہ سٹی کوٹ ادو کے علاقہ موضع ہالہ کے رہائشی سید عامر شاہ  اپنے بھائی سانول شاہ کے ساتھ موٹر سائیکل پر سوار گھر جا رہے تھے کہ  مسلح ڈاکوؤں عدنان جانگلہ،سجاد شاہ، نعمان کھیڑا اور فیاض سہو نے فائرنگ شروع کر دی۔ 35 سو روپے اور قیمتی موبائل فون چھین لئے۔ تھانہ سٹی کوٹ ادو کے علاقہ پل 88 پر آفتاب جاوید کی کریانہ کی دکان سے نامعلوم چور 48 ہزار کا سامان اور کوثر پروین کے گھر کے تالے توڑ کر نقدی 20 ہزار ورپے اور 2 طلائی بالیاں رانا عبدالعزیز کے رقبہ کے درخت بھٹہ خشت مالک منظور حسین ببر‘ اقبال بریار‘ عزیز تھتھل 3 نامعلوم کے ہمراہ دو لاکھ مالیت کے درخت کاٹ کر لے گئے۔ ظفر اقبالیات یوسفزئی پٹھان سے محمد دین جٹ اور اس کا کزن وحید جٹ 3لاکھ روپے لے کر رفو چکر ہو گئے،پولیس نے تمام مقدمات درج کر لیے۔