اسلام آباد (نمائندہ خصوصی)بے نظیر انکم سپورٹ پروگرام   کے  تحت  سیلاب   سے  متاثرہ  2,234,859 خاندانوں  میں    55ارب  روپے  سے  زائد  کی  رقم  تقسیم کر دی گئی ،بینظیر انکم سپورٹ پروگرام ملک بھر میں سیلاب سے متاثرہ خاندانوں کو 25000 روپے فی خاندان کی مالی امداد فراہم کر رہا ہے۔ بلوچستان  ،  سندھ،  خیبر  پختونخواہ  ،  پنجاب  اور  گلگت  بلتستان  میں فلڈ ریلیف کیش اسسٹینس کے تحت اب تک مجموعی طور پر 2,234,859 سیلاب سے متاثرہ خاندانوں میں 55,871,475,000 روپے تقسیم کیے جا چکے ہیں۔بلوچستان میں سیلاب سے متاثرہ 168,003  خاندانوں کو 4,200,075,000روپے مل چکے ہیں۔ سندھ میں 1,562,651    خاندانوں کو 39,066,275,000روپے مل چکے ہیں۔ خیبرپختونخوا میں 229,133     خاندانوں کو 6,152,425,000  روپے   مل  چکے  ہیں۔  پنجاب کے 257,738     خاندانوں کو 6,443,450,000روپے موصول ہوئے ہیں۔  گلگت  بلتستان   میں  سیلاب  سے  370متاثرہ  خاندانوں  کو    9,250,000روپے  مل  چکے  ہیں۔مجموعی طور پر آج سیلاب سے متاثرہ  90,241  خاندانوں   نے  سیلاب زدہ علاقوں میں قائم مختلف کیمپوں سے نقد امداد  موصول  کی  ہے۔ بینظیر  انکم سپورٹ پروگرام   ہیڈ کوارٹر میں ایک کنٹرول روم قائم کیا گیا ہے تاکہ ادائیگیوں   میں  شفافیت  کو   یقینی بنایا جا سکے۔
بی آئی ایس پی