آل پاکستان چیف منسٹر بلوچستان  ہاکی گولڈ کپ‘مزید 4میچوں کا فیصلہ 

کراچی(اسپورٹس رپورٹر)پاکستان ہاکی فیڈریشن کے زیراہتمام بلوچستان ہاکی ایسوسی ایشن اور ڈائریکٹوریٹ آف سپورٹس اینڈ یوتھ افیئرز بلوچستان کے اشتراک سے غوث بخش رئیسانی ہاکی سٹیڈیم کوئٹہ میں جاری دوسرا آل پاکستان چیف منسٹر بلوچستان ہاکی گولڈ کپ 22ء کے پانچویں دن کا پہلا سنسنی خیز میچ پنجاب وائٹ اور کے پی کے کے مابین کھیلا گیا جو کہ 3-3 گول سے برابر رہا۔ دوسرا میچ سندھ کلر اور گلگت کے مابین کھیلا گیا‘مزکورہ میچ سندھ کلر نے 0-14 سے جیت لیا۔ تیسرا میچ اسلام آباد اور آزاد جموں کشمیر کے مابین کھیلا گیا۔ اسلام آباد نے آزاد کشمیر کو 1-4 سے شکست دیدی۔ چوتھا میچ پنجاب کلر اور بلوچستان کلر کے مابین کھیلا گیا۔ پنجاب کلر نے نے بلوچستان کلر کو 3-4 سے شکست دیدی۔