لاہور ٹی ٹونٹی میچزکیلئے فول پروف سیکیورٹی پر ڈی آئی جی آپریشنزکا دورہ قذافی

لاہور:پاک انگلینڈ ٹی ٹونٹی کے سلسلے میں لاہور میں سیکورٹی انتظامات کا بھر پور خیال رکھاجارہاہے اس سلسلے میں انسپکٹر جنرل پولیس پنجاب فیصل شاہکار نے پاک انگلینڈ ٹی ٹونٹی سیریز کے جاری میچز کے دوران اسٹیڈیم کے اندر اور باہر سکیورٹی کے انتظامات کا جائزہ لینے کے لیے قذافی اسٹیڈیم لاہور کا دورہ کیا ۔ڈیوٹی پر موجود افسران نے آئی جی پنجاب کو خصوصی انتظامات بارے بریفنگ دی۔ آئی جی پنجاب نے کہا کہ شائقین کرکٹ کو میچز سے بھرپور لطف اندوزہونے کے لیے سکیورٹی کے فول پروف انتظامات کے گئے ہیں۔آئی جی پنجاب نے قذافی اسٹیڈیم میں قائم کنٹرول روم کا دورہ کیا اورانہوں نے بتایا کہ سیف سٹی کیمروںکی مدد سے اسٹیڈیم کے اندربھی مانیٹرنگ کی جا رہی ہے۔آئی جی پنجاب نے مزید کہا کہ شہریوں کے تعاون سے میچز کے پر امن انعقاد کو یقینی بنایا جارہا ہے۔ آئی جی پنجاب نے مختلف انکلیوثرز کا دورہ بھی کیا اور سکیورٹی انتظامات کا جائزہ لیا ۔ ایڈیشنل آئی جی سپیشل برانچ پنجاب بھی قذافی اسٹیڈیم میں موجو د تھے ۔ سی سی پی او لاہور اور ڈی آئی جی آپریشنز نے آئی جی پنجاب کو سکیورٹی انتظامات بارے بریفنگ دیتے ہوئے بتا یا کہ اسٹیدیم کے اندر اور باہر سیف سٹی سمیت سی سی ٹی وی کیمروں سے مانیٹرنگ کا عمل جاری ہے ۔آئی جی پنجاب نے ہدایت کی میچز کی سکیورٹی پر مامور اہلکار و ٹریفک وارڈنز رات گئے تک ڈیوٹی پر موجود رہیں گے اور شہر کے اندرونی و خارجی راستوں پر بھی سکیورٹی مزید سخت کی جائے ۔