گوجرانوالہ:تاریخی فتح پر شہزاد اسلم کو بزنس گروپ کے قائدین کا خراج تحسین 

گوجرانوالہ(نمائندہ خصوصی)چیمبر کامرس اینڈ انڈسٹریز کے حالیہ انتخابات میں ایگزیکٹو ممبر کی سیٹ پر تاریخی ووٹ لیکر کامیاب ہونے پر شہزاد اسلم انصاری کو بزنس گروپ کے قائدین نے خراج تحسین پیش کیا۔ نومنتخب صدر چیمبر رانا محمد صدیق خاں، صدر آرائیں برادری گوجرانوالہ ڈویژن چودھری وسیم مہر سمیت دیگر نے مبارکباد پیش کی، نومنتخب ایگزیکٹو ممبر چیمبر آف کامرس اینڈ انڈسٹریز گوجرانوالہ شہزاد اسلم انصاری، معروف سیاسی و سماجی شخصیات بابو آصف انصاری اور لالہ فیصل انصاری کے بڑے بھائی ہیں اس موقع پر گفتگو کرتے ہوئے نومنتخب ایگزیکٹو ممبر چیمبر آف کامرس اینڈ انڈسٹریز شہزاد اسلم انصاری کا کہنا تھا کہ بزنس کمیونٹی نے جس اعتماد کا اظہار کرتے ہوئے پرخلوص محبت اور پیار کے ساتھ ووٹ دیکر ایگزیکٹو ممبر منتخب کروایا ہے ان سب ووٹرز، سپورٹرز اور ساتھیوں کا تہہ دل سے مشکور ہوں اور بزنس کمیونٹی کا مقروض ہوں کہ ان کی طرف سے قیمتی ووٹ ملنے کے بعد بزنس کمیونٹی کو درپیش مسائل کے خاتمہ اور ریلیف کی فراہمی کیلئے دن رات کوشاں رہوں ۔