لاہور(سپورٹس رپورٹر)پی سی بی کے زیر اہتمام چیمپئنز ون ڈے کپ ٹورنامنٹ کی فاتح ٹیم کے کپتان شاداب خان نے کہا کہ ہماری کوشش تھی کہ ٹیم پرفارمنس دی جائے۔ نتیجہ ہمارے ہاتھ میں نہیں لیکن کوشش کر سکتے ہیں۔ تماشائیوں کا بہت شکریہ کہ وہ آئے اور کھلاڑیوں کو بھرپور سپورٹ کی۔مارخورز کے کپتان افتخار احمدنے کہاکہ فائنل میں پارٹنر شپ نہیں لگا سکے، جو پلیئرز نیشنل ڈیوٹی پر جا رہے تھے انکا پہلے اندازہ نہیں تھا۔انہوں نے کہا کہ کامران غلام ڈومسٹک میں ہمیشہ اچھا پرفارم کر رہے ہیں۔ عاکف جاوید بھی اچھی بائولنگ کر رہے ہیں۔محمد حسنین نے کہا کہ اللہ تعالی کا شکر ادا کرتا ہوں کہ اچھی پرفارمنس دی۔ ون ڈے کرکٹ کھیلنی تھی اسی اعتبار سے تیاری کی۔