ویمنز ایشین نیٹ بال چیمپئن شپ رواں سال بھارت میں ہوگی ‘پاکستان ٹیم شرکت کریگی 

لاہور(سپورٹس رپورٹر)پاکستان ویمن نیٹ بال ٹیم رواں سال بھارت میں ہونے والی ویمن ایشین نیٹ بال چیمپئن شپ میں شرکت کریگی۔ویمن ایشین نیٹ بال چیمپئن شپ 18 سے 27 اکتوبر تک بھارتی شہر بنگلورو میں ہوگی اور پاکستان سپورٹس بورڈ نے قومی نیٹ بال ٹیم کو اس اہم ایونٹ میں شرکت کیلئے این او سی جاری کردیا ہے۔ذرائع کے مطابق پاکستان نیٹ بال فیڈریشن نے بھارتی ویزوں کیلئے درخواست جمع کرادی ہے۔