لاہور (خصوصی نامہ نگار) حوزہ علمیہ جامعتہ المنتظر ماڈل ٹاو ن میں حزب اللہ لبنان کے سربراہ حجۃ الاسلام والمسلمین سید حسن نصر اللہ شہید کے ایصال ثواب کیلئے قرآن خوانی اور مجلس ترحیم کا انعقاد کیا گیا۔وفاق المدارس الشیعہ پاکستان کے صدر اور جامعتہ المنتظر آیت اللہ حافظ ریاض حسین نجفی، مولانا ضیا الحسن نقوی سمیت علماء کرام اور طلبا شریک ہوئے۔ تعزیتی بیان میں علامہ افضل حیدری نے کہا سید حسن نصراللہؒ اپنے جد امجد حضرت امام حسین علیہ السلام کے نقش قدم پر چلتے ہوئے شہادت کے درجے پر فائز ہوئے ہیں۔