لاہور :  2  بھائیوں میں جائیداد کے تنازعہ پر گولیاں چل گئیں،7 زخمی 

لاہور(این این آئی)لاہور میں مصری شاہ کے علاقے میں 2 بھائیوں کے درمیان جائیداد کے تنازعہ پر فائرنگ کے نتیجے میں 7 افراد زخمی ہوگئے۔پولیس کے مطابق فائرنگ کا واقعہ مصری شاہ میں میر حسین سجانی دربار کے قریب پیش آیا، جہاں فدا نامی شخص نے جائیداد کے تنازعہ پر اپنے چچا عرفان پر فائرنگ کی، فائرنگ کی زد میں آ کر دربار پر آنے والے 6 راہگیروں سمیت 7 افراد زخمی ہو گئے۔واقعے کی اطلاع ملتے ہی پولیس کی بھاری نفری موقع واردات پر پہنچ گئی اور زخمیوں کو طبی امداد کے لیے ہسپتال منتقل کردیا۔پولیس کی فرانزک ٹیموں نے جائے وقوعہ سے شواہد اکٹھے کرلیے ہیں جبکہ مفرور ملزم کی گرفتاری کے لیے ٹیم تشکیل دے دی گئی۔