میاں چنوں میں غلام حیدر وائیں کی برسی ، قرآن خوانی

میاں چنوں  (نامہ نگار+ نمائندہ نوائے وقت) سابق وزیراعلیٰ پنجاب غلام حیدر وائیں شہید کی 31 ویں برسی کے موقع پر شہید وائیں کے بلندی درجات کے لیے شہید  کے مقبرہ پر قرآ نی خوانی کا اہتمام کیا گیا۔ جس میں جانشین شہید وائیں ڈاکٹر غزالہ شاہین وائیں ڈویژنل جنرل سیکرٹری PMLN خواتین ونگ ملتان ڈویژن، سابق چیئرمین بلدیہ میاں انصر علی وائیں، مسلم لیگی رہنما چوہدری پرویز اقبال سمیت وائیں شہید کے عقیدت مندوں نے شرکت کی۔  مدرسہ دارالعلوم غوثیہ کے طلباء  و اساتذہ کرام مفتی ریاض حسین، مفتی غلام مصطفی، قاری اشرف مہروی نے قرآن خوانی کی۔ مولانا محمد شفیع سعیدی نے غلام حیدر وائیں شہید کے بلندی درجات  کے لئے خصوصی دعا کروائی۔