گوجرخان (نامہ نگار) بڑکی جدید کے نالوں کی صفائی نہ ہونے کے باعث گندا پانی مین روڈ پر پھیل جاتا ہے روڈ پر پانی کھڑا ہونے سے ڈینگی لاروا مکھیوں مچھروں کی افزائش ہو رہی ہے مقامی انتظامیہ بلدیہ گوجرخان ڈینگی کے خلاف فوٹو سیشن سے بھرپور مہم چلائے ہوئے ہیں لیکن عملی طور پر کارکردگی انتہائی مایوس کن ہے بڑکی روڈ کے مین نالوں کی صفائی عرصہ دراز سے نہ ہو رہی ہے جس کے باعث نالوں کا گندا پانی سڑک پر پھیل جاتا ہے روڈ کے دوکانداروں اور راگیروں کو سخت ذہنی اذیت کا سامنا کرنا پڑتا ہے روڈ پر پانی کھڑا ہونے سے مکھیوں مچھروں کی افزائش بھی ہو رہی ہے اس حوالہ سے آبادی مکینوں نے کہا ہے کہ مقامی انتظامیہ بلدیہ گوجر خان فوری طور پر نالوں کی صفائی ستھرائی کر کے عوام کی مشکلات کو ختم کریں نالوں کی صفائی نہ ہونے سے گندگی اور کوڑے کرکٹ کے ڈھیروں سے چوہوں کی بھی افزائش میں اضافہ ہو رہا ہے ۔