اسلام آباد (نمائندہ خصوصی )پاکستان جیسے ملک میںجو موسمیاتی تبدیلیوں کے اثرات کے لیے انتہائی خطرے سے دوچار ہے، کاربن کے حصول کے لیے جنگلات کے ماحولیاتی نظام کے تحفظ کی اشد ضرورت ہے۔ویلتھ پاک سے بات کرتے ہوئے، پاکستان فاریسٹ انسٹی ٹیوٹ، پشاور کے ڈپٹی ڈائریکٹر محمد عاطف مجید نے کہاکہ جنگلات کی کٹائی، جنگلات کی تنزلی یا جنگلات کے ماحولیاتی نظام کی تباہی سے کاربن کو دوبارہ فضا میں جمع کیا جاتا ہے جس سے گلوبل وارمنگ میں اضافہ ہوتا ہے۔ درخت اور دیگر نباتات فوٹو سنتھیسز کے دوران کاربن جذب کرتے ہیں اور کاربن کو اپنے بایوماس تنے، شاخیں، پتے اور جڑیں) اور مٹی میں محفوظ کرتے ہیں۔