غلافِ کعبہ میں نئی تبدیلیاں، ’’اللہ اکبر‘‘ کی چار قندیلیں ثبت

مکہ مکرمہ (صباح نیوز)خانہ کعبہ کے غلاف کی جانچ پڑتال اور معائنے کے لیے مختص کمیٹی نے رواں سال کے لیے نئی تبدیلیوں پر اپنے اعتماد اور اطمینان کا اظہار کیا ہے۔ اس مرتبہ غلاف میں ’’اللہ اکبر‘‘ کی چار قندیلیں ثبت کی گئی ہیں جو اوپر تلے ایک دوسرے سے جڑی ہوئی ہیں۔ اس کے علاوہ 10 سینٹی میٹر کی ایک پٹی کو غلاف کے دونوں طرف چپکایا گیا ہے۔ اس طریقے سے غلاف کعبہ کی سلائی اور نو ذوالحجہ کو بیت اللہ پر اس کو چڑھانے کے عمل میں آسانی ہوگی۔