لاہور (فرخ سعید خواجہ) مریم نوازشریف جاتی عمرہ رائے ونڈ سے گاڑیوں کے قافلے میں موہنی روڈ پہنچیں، صوبائی وزیر بلال یٰسین‘ خواجہ احمدحسان‘ سید توصیف شاہ، سواتی خان‘ میاں طارق‘ عامر خان نے استقبال کیا۔٭....مریم نواز کی آمد پر زبردست آتش بازی کا مظاہرہ کیا گیا، گھوڑوں نے رقص کیااور اردگرد کے تمام مکانوں کی چھتوں پر موجود لوگوں نے پھولوں کی پتیاں نچھاور کیں۔٭.... مسلم لیگی کارکنوں نے وزیراعظم نوازشریف کے فلک شگاف نعرے لگائے۔٭.... خواتین کارکنوں نے مریم نوازشریف کی گاڑی کو بوسے دیئے۔٭....داتا دربار، پیر مکی یونین کونسل کے چیئرمین معظم بشیر پراچہ نے مریم نوازشریف کو شیر کا ماڈل پیش کیا۔٭....ناصر پارک یونین کونسل کی چیئرپرسن راحیلہ کوکب نے فرط جذبات سے مریم نوازشریف کے ہاتھ چوم لیے۔٭.... مقصود پورہ کے چیئرمین چودھری شاہد محمود ارائیں نے مسلم لیگ کے جھنڈے تقسیم کیے۔٭.... کریم پارک یونین کونسل کے چیئرمین چودھری جاویداحمدنے بیگم کلثوم نواز کی تصاویر والی ٹوپیاں کارکنوں میں تقسیم کیں۔٭.... چیئرمین یونین کونسل عامر خان نے منرل واٹر پانی کی سینکڑوں بوتلیں شرکاءریلی میں تقسیم کیں۔
جھلکیاں