لاہور (خصوصی نامہ نگار ) قرآن و سنہ موومنٹ اور تحریک دفاع حرمت رسول ﷺکے حوالے سے مینار پاکستان گراؤنڈمیں مرکزی اجتماع کا انعقاد ہو گا جس میں ہزاروں کی تعداد میں فرزندان توحید شریک ہو ں گے ۔ان خیالات کا اظہار قرآن وسنہ موومنٹ کے چیئرمین حافظ ابتسام الہی ظہیر نے کیا ،انہوں نے کہا کہ جلسے کے انتظامات اور تیاریاں مکمل کر لی گئی ہیں ،جلسے میں حرمت رسول اللہ ﷺ کے حوالے سے مسلمان امت اور مسلم حکمرانوں کی ذمہ داریوں کے حوالے سے تفصیلی گفتگو کی جائے گی اور مستقبل کے لائحہ عمل کا بھی اعلان کیا جائے گا ۔