کابل ( نوا ئے وقت رپورٹ +سنہوا) افغانستان میں سکیورٹی فورسز کے ساتھ جھڑپوں میں اہم کمانڈر سمیت 4 طالبان ہلاک، 8 زخمی ہوگئے۔ فوجی ترجمان کے مطابق شمالی صوبے بغلان میں اہم کمانڈر سمیت چار طالبان مارے گئے جبکہ 8 زخمی ہوگئے۔افغانستان میں جھڑپوں کے دوران 12 طالبان ہلاک اور بیسیوں زخمی ہو گئے۔ ادھر صوبہ بدخشاں میں طالبان کی فورسز نے ضلع نسائی پر قبضہ کی کوشش ناکام بنا دی ہے۔ صوبائی پولیس ترجمان ثناء اللہ روحانی نے بتایا لڑائی میں 8 طالبان اور 3 پولیس اہلکار زخمی ہوئے۔ مزید کمک پہنچ گئی یاد رہے بدخشاں کے کئی علاقوں پر طالبان کا کنٹرول ہے۔ افغان صوبے ننگر ہار کے ضلع خوگہانی میں امریکی ڈرون حملہ کیا گیا افغان فوج کے مطابق امریکی ڈرون حملے میں داعش کا رہنما یاسین خراسانی پانچ ساتھیوں سمیت مارا گیا۔