اسلام آباد (نمائندہ خصوصی) سیکرٹری اطلاعات پیپلز پارٹی پارلیمنٹیرینز شازیہ مری نے بیان میں کہا ہے کہ مہنگائی نے انسانی زندگی کو مشکلات کا شکار کردیا ہے ،غریب کیلئے بچوں کا پیٹ پالنا مشکل بن گیا ہے ، آٹا،چاول ،گھی اور دالوں کی قیمتیں غریب کی خریداری سے باہر ہیں، غریب کیلئے شوگر ،بلڈ پریشر اور دل کے مرض کی ادویات خرید کرنے کی سکت نہیں، اعلی تعلیم یافتہ نوجوان بیروزگاری کا عذاب جھیل رہے ہیں، عمران خان خیراتی اداروں کے لنگر خانہ پر اپنی تصویر لگاکر خوش ہو رہے ہیں، نوجوانوں کو لنگر کھانے کا راستہ دکھانے کی بجائے روزگار دیا جائے ، عوام کو روزگار دینے کا منشور صرف بلاول بھٹو زرداری کا ہے۔