سعودی ایونٹ سنٹر، ٹورزم اور انٹرٹینمنٹ اتھارٹی  کے زیراہتمام "پاکستان نائٹ"

جدہ ( پ ر)سعودی نیشنل ایونٹ سنٹر، سعودی ٹورزم اتھارٹی اور جنرل انٹرٹینمنٹ اتھارٹی  کے زیراہتمام "پاکستان نائٹ"پر جدہ میں ایک پروگرام کیا گیا۔ اس موقع پر وفاقی وزیر اطلاعات ونشریات فواد چوہدری نے ویڈیو  پیغام میں خادم حرمین الشریفین شاہ سلمان بن عبدالعزیز اور ولی عہد محمد بن سلمان کی پاکستان سے محبت اور دیرپا مضبوط تعلقات کا ذکر کیا۔ پاکستان نائٹ میں تقریبا پانچ ہزار پاکستانیوں نے شرکت کی جس میں بچے  اور خواتین بھی شامل تھے۔  جنہوں  نے جدہ،مکہ ،مدینہ سے شرکت کی پاکستان نائٹ میں مقامی فنکاروں نے قومی گیت پیش کئے ۔پاکستان نائٹ میں کٹھ پتلی شو  دکھانے کے اور پاکستانی ثقافت کو اجاگر کرنے کیلئے سٹالز لگائے گئے تھے۔تقریب میں  قونصل جنرل خالد مجید اور سعودی انٹرٹینمنٹ اتھارٹی کی ترجمان سدۃ نوشین احمد نے پروگرام کو کامیاب بنانے میں میڈیا ،اور پاکستانی کمیونٹی کا شکریہ ادا کیا ۔