پاک چین اقتصادی راہداری کو نقصان پہنچانے والوں کی سازشیں ناکام ہوںگی: آرمی چیف

پاک فوج کے سربراہ جنرل قمرجاوید باجوہ نے اس بات کا اعادہ کیا ہے کہ پاک چین اقتصادی راہداری کو نقصان پہنچانے والوں کی سازشیں ناکام ہوںگی۔انہوں نے ان خیالات کا اظہار چینی سفیر نانگ رانگ سے گفتگو کے دوران کیا جنہوں نے منگل کے روزان سے راولپنڈی میں ملاقات کی۔ملاقات کے دوران باہمی مفاد کے معاملات، ترقی پذیر افغانستان کی صورتحال اور علاقائی سلامتی کے حوالے سے تفصیلی بات چیت ہوئی۔سفیر نے خطے میں امن و استحکام کیلئے کی جانے والی پاکستان کی مخلصانہ کوششوں کو سراہا۔انہوں نے خصوصی طور پر موجودہ حالات میں افغانستان کی ترقی کیلئے کی جانے والی کوششوں کی تعریف کی اور اس بات کا اعادہ کیا کہ چین بطور سٹریٹجک پارٹنر پاکستان کی مدد جاری رکھے گا۔