اسلام آباد(نا مہ نگار)پاکستان بھر کی جامعات میں کام کرنے والے ٹی ٹی ایس اساتذہ کی نمایندہ تنظیم ایپٹا کے عہدیداران نے نئے ایچ ای سی چیئرمین سے ملاقات کی۔اس ملاقات میں صدرڈاکٹر یاسر شاہ ، نائب صدر ڈاکٹر تحسین عباس، جنرل سیکرٹری ڈاکٹر تنویر شہزاد، جوائنٹ سیکرٹری ڈاکٹر سجاد حسین سمرا، فائنانس سیکرٹری ڈاکٹر ثمر عباس، انفارمیشن سیکرٹری ڈاکٹر نعمان خان اور صوبوں کے ایگزیکٹیو ممبران ڈاکٹر محمد حفیظ ایگزیکٹو ممبر اے جے کے، ڈاکٹر شہباز زکی ایگزیکٹو ممبر کے پی کے نے شرکت کی۔ ایپٹاکیبینٹ نے ڈاکٹرمختار کی تقرری کوایچ ای سی اور یونیورسٹیوں کیلئے خوش آئند قراردیتے ھوئے انھیں مبارک باد دی-اپٹا صدر ڈاکٹر یاسر شاہ نے چیئرمین ایچ ای سی سے ٹی ٹی ایس اساتذہ کے تمام مسائل حل کرنے کا پرزور مطالبہ کیا، چیئرمین ایچ ای سی نے مکمل تعاون اور جلد تمام مسائل مل کر حل کرنے کی یقین دہانی کرائی۔