منصوبوں میںبہاولنگر تا عارفوالا روڈ ،چشتیاں تا ہارون آباد برآستہ پل مراد روڈ ، منچن آباد تا ڈھک پٹاں روڈ، لڈن کرم پور روڈ ، وہاڑی میلسی کہروڑ پکا لودھراں روڈ کی بحالی ودیگرمنصوبے شامل 

لاہو ر (کامرس رپورٹر) پنجاب پلاننگ اینڈ ڈویلپمنٹ بورڈ نے مالی سال 2022-23کے صوبائی ڈویلپمنٹ ورکنگ پارٹی کے ساتویں اجلاس میں روڈز سیکٹر کی8ترقیاتی سکیموں کے لیے مجموعی طور پر 8ارب 97کروڑ 64لاکھ 13ہزار روپے کی منظوری دی۔ اجلاس کی صدارت چیئرمین پلاننگ اینڈ ڈویلپمنٹ بورڈ عبد اللہ خان سنبل نے کی۔ صوبائی ورکنگ پارٹی کے اجلاس میں ترقیاتی بورڈ کی جانب سے جن سکیموں کی منظوری دی گئی ان میں ضلع و تحصیل بہاولنگر میں بہاولنگر تا عارفوالا روڈ کی بحالی (لمبائی 17 کلومیٹر) کیلئے 63 کروڑ 12 لاکھ 46 ہزار روپے، ضلع بہاولنگر میں چشتیاں تا ہارون آباد برآستہ پل مراد روڈ کی بحالی (لمبائی 26.40کلومیٹر) کیلئے 1 ارب 38 کروڑ 76 لاکھ 10 ہزار روپے، ضلع بہاولنگر تحصیل منچن آباد میں منچن آباد تا ڈھک پٹاں روڈ کی بحالی (لمبائی 17 کلومیٹر) کیلئے 87 کروڑ 50 لاکھ 19 ہزار روپے، ضلع وہاڑی میں لڈن کرم پور روڈ کی بحالی کیلئے 67 کروڑ 7 لاکھ 70 ہزار روپے، ضلع وہاڑی میں وہاڑی میلسی کہروڑ پکا لودھراں روڈ (سیکشن میلسی شہر سے ضلع باو¿نڈری وہاڑی) 20 سے 24 فٹ چوڑے روڈ کی کشادگی و بہتری کیلئے 99 کروڑ 68 لاکھ 32 ہزار روپے، ضلع ملتان میں شجاع آباد جلالپور پیروالا روڈ کی بحالی (لمبائی 48.50کلومیٹر) کیلئے 2 ارب 52 کروڑ 51 لاکھ 98 ہزار روپے، ضلع لیہ میں چوبارا سے نواں کوٹ تک میٹلڈ روڈ کی بحالی (لمبائی 23.10کلومیٹر) کیلئے 91 کروڑ 75 لاکھ 70 ہزار روپے اور ضلع لیہ میں کرور تا بیہال میٹلڈ روڈ کی بحالی (لمبائی 18.52کلومیٹر) کیلئے 97 کروڑ 22 لاکھ 68 ہزار روپے شامل ہیں۔اجلاس میں صوبائی سیکرٹری پی اینڈ ڈی بورڈ ڈاکٹر محمد انور سہیل چوہدری سمیت صوبائی محکمہ جات کے اعلی افسران اور پنجاب پلاننگ اینڈ ڈویلپمنٹ بورڈ کے ممبران نے شرکت کی۔